Proiektuetarako laguntzen tresnaren ebaluazio mistoa (2007-2024)
AURREKARIAK:
Proiektuetarako laguntzak trena Eusko Jaurlaritzak lankidetzaren eta elkartasunaren arloan duen politika publikoaren jarduera-ardatz nagusietako bat da.
Otsailaren 27ko 34/2007 Dekretuak arautua dago, eta uztailaren 23ko 90/2013 Dekretuak aldatu.
Helburua da:
- Lankidetza eraldatzailea sustatzea.
- Pobretutako Hegoko herrialdeen garapena eragozten duten arrazoietan eragina duten epe luzeko aldaketa integralak babestea
2007tik, urtero deitu dira Euskadiko irabazi-asmorik gabeko erakundeen proiektuetarako laguntzak, hiru laguntza-modalitateetan:
- Garapenerako lankidetza-proiektuetarako laguntzak.
- Produkzio-garapeneko eta prestakuntza eta laguntza teknologikoko proiektuetarako laguntzak.
- Garapenerako hezkuntza-proiektuetarako laguntzak.
2007-2024 aldian, Euskadiko GKE handienentzako laguntzen deialdia izan dela, eta Estatuko garrantzitsuenetako bat.
HELBURUAK:
"Proiektuetarako laguntzak" tresnaren ebaluazio mistoaren helburua da indarrean dagoen testuinguru juridikora eta eLankidetzaren lankidetza- eta elkartasun-politika publikoaren helburuetara egokitutako araudi berri bat sortzea ahalbidetuko duten ikaskuntzak, ondorioak eta gomendioak ateratzea.
ADITU-LAGUNTZA:
Ebaluazio mistoa egiteko, politika publikoko ebaluazioan aditua den kanpoko talde baten laguntza kontratu da: ANDAIRA, S.COOP MAD..
Ebaluazioa honako printzipio hauek gidatzen dute:
- Genero-ikuspegia: Genero-ikuspegia politika publikoaren ebaluazio ororen funtsezko interpretazio-esparrua da; genero-ikuspegiarekin ebaluatzen ez bada, politikek eta ekintza publikoek emakumeen eta gizonen arteko desberdintasunak erreproduzitzeko eta areagotzeko joera dute.
- Parte-hartzea: Ebaluazio-prozesuan beharrezkotzat jotzen da tresnan parte hartzen duten eragile nagusien parte-hartzea bermatzea; gutxienez, azken urteetan tresna kudeatu duten langileak, euskal erakundeak eta finantzatutako proiektuak gauzatu dituzten toki-erakundeak aintzat hartu beharko dira. Parte-hartzeari dagokionez, genero-parekotasuna bermatzeko beharrezko mekanismoak ezarri beharko dira.
- Erabilgarritasuna eta ikaskuntza: Ebaluazio honen bidez, eLankidetzari Eusko Jaurlaritzaren lankidetza- eta elkartasun-politika publikoaren helburuak lortzeko laguntza-tresna egokiago eta eraginkorrago bat diseinatu eta ezartzea ahalbidetuko dioten ikaskuntzak atera nahi dira; horregatik, ezinbestekoa da ebaluazio honen ondorioak eta gomendioak tresna berria diseinatzeko baliagarriak izatea.
- Gardentasuna: ebaluazio-prozesuaren gardentasuna babesteko, esku hartzen duten eragile nagusien eskura jarriko da (eLankidetzaren Kontseilu Errektorea eta Lankidetzarako eta Elkartasunerako Euskal Kontseilua) ekintzei buruzko informazio garrantzitsua eta aurreikusitako kronograma.
KRONOGRAMA ETA JARDUERA NAGUSIAK:
Ebaluazioa egiteko aurreikusitako egutegia 12 hilabetekoa da.
Azken aldaketako data: