Lankidetzari buruzko Euskal Lege berria lantzeko prozesua

2007. urtean garapenerako lankidetzari buruzko otsailaren 22ko 1/2007 Legea onartu zuen Eusko Legebiltzarrak. Lege horrek eztabaida sakonak eragiteaz gain, lege-babesa eman zion justiziaren eta garapenaren aldeko euskal elkartasunaren eta lankidetzaren 20 urteko jardunari. Urte horretako abenduan, legegintzako herri ekimen bidez, Herrialde Pobretuekiko Justizia eta Elkartasunerako Gutuna onartu zuen Eusko Legebiltzarrak (14/2007 Legea, abenduaren 28koa).

Azken urte hauetan, euskal administrazioen lankidetzari buruzko politika publikoa definitu eta indartu dute araudi horiek.

Gaur egun, garapenerako nazioarteko agendaren eta testuinguruaren aldaketa sakonei lotutako erronkak ditu euskal lankidetza-sistemak. Ildo horretan, garapenerako lankidetzaren euskal lege berri bat lantzen ari gara. Lege berri bat egiteko eta onartzeko kontsulta- eta eztabaida-prozesua hasi da.

Informazio gehigarria

◊ Legearen aldaketa prozezuari buruzko azalpena

◊ Lankidetzaren Euskal Legeari buruzko hausnarketa

∗ Garapenerako lankidetzaren euskal legeari buruzko txostena (K. Unceta)